Djepi me lis - ninullë

Njerëzit e dushkut (lisit), ata origjinalët. Ne, pra.

Kjo ninullë e zonës së Kosovës gjendet në librin "Këngë popullore lirike (Ninulla)" të mbledhur nga Anton Papleka. Specifikimi i djepit të bërë prej druri dushku, druri dallues/i shenjtë i evropianëve vendas, ku ne jemi ndër më të lashtit, është i rëndësishëm si provë ndaj vetëdijes sonë racore/kombëtare në jetën e përditshme ndër shekuj.

************

Nina-nin’ djepin me dushk

Nina-nin’ djepin me dushk,

marsh i nuse me iqind krushk!

Nina-nin djepin e bardhë,

u rritsh me nanë e u rritsh me babë,

u rritsh me krenë edhe me bajraktarë!

Nina-nina, nina-nina,

e shkofsh jetën me shum’t’mira,

e dalsh n’bjeshka e n’rudina!

E nina-nin’, ty t’pastë nana,

nu t’l’e nana pa tre mitana,

e ty s’ta le xhepin pa franga.

Nina-nin, Zoti të rritë,

t’i vnon nana dhent’dhe dhitë,

del rudinave për gjith’ditë,

tuj vikat’ dhe pushk’tuj qitë.

Nina-nin, po t’përkundi,

djali i dadës, ty t’marrt’gjumi,

ti m’u rritsh me shum’vllazni

e e çofsh motin me shoqni,

te tan’bota t’marrtë lakmi!

(Kosovë, 1944)